უკრაინის პრეზიდენტი, ვოლოდიმირ ზელენსკი მიიჩნევს, რომ ყაზახეთი, მოლდოვა და ბალტიის ქვეყნები რუსეთის სამხედრო თავდასხმის საფრთხის ქვეშ არიან.

"რაც შეეხება მოლდოვის წინააღმდეგ სამხედრო შეტევას, მიმაჩნია, რომ ეს შეიძლება იყოს რუსეთის ერთ-ერთი მიზანი. მე ვფიქრობ, რომ მოლდოვას, ბალტიისპირეთის ქვეყნებსა და ყაზახეთს საფრთხე ემუქრება", - აღნიშნა უკრაინის პრეზიდენტმა.

მან აღნიშნა, რომ რუსეთს უკვე ჰქონდა გეგმა მოლდოვაში ხელისუფლების შეცვლასთან დაკავშირებით, თუმცა ეს გეგმა ჩაიშალა.