რუსეთმა უკრაინის სუმის ოლქზე საარტილერიო და საჰაერო იერიში მიიტანა. ოლქის ადმინისტრაციის ცნობით, ოკუპანტის სამიზნე სამოქალაქო ინფრასტრუქტურა გახდა, დაღუპულია ორი ადამიანი.

პარალელურად, რუსული არმია ფრონტის ხაზზე შეტევებს ააქტიურებს. ამერიკული ტელეკომპანია CNN-ის ცნობით, მოსკოვმა უკრაინის სამხრეთით საოკუპაციო ძალების მობილიზაცია დაიწყო და ზაპოროჟიეს ოლქისკენ 50 ათასიანი არმია მიმართა.