პეტერბურგში მღვდელი გრიგორი მიხნოვ-ვაიტენკო დააკავეს, რომელიც ციხეში დაღუპული რუსი ოპოზიციონერის, ალექსეი ნავალნისთვის პანაშვიდის გადახდას გეგმავდა.

მოგვიანებით ცნობილი გახდა, რომ ის პოლიციის განყოფილებიდან ინსულტის დიაგნოზით საავადმყოფოში გადაიყვანეს.

"გრიგორი მიხნოვ-ვაიტენკო ინსულტით საავადმყოფოში მოათავსეს. პოლიციის 43-ე განყოფილებაში მისმა ადვოკატმა სასწრაფო დახმარება გამოიძახა. გრიგორი საავადმყოფოში გადაიყვანეს და მისი ჰოსპიტალიზაციის გადაწყვეტილება მიიღეს", - დაწერა დეპუტატი ბორის ვიშნევსკი.

მღვდელმა 16 თებერვალს საღამოს განაცხადა, რომ ნავალნისთვის პანაშვიდის გადახდას აპირებდა. ის მეორე დღეს სახლიდან გასვლისას დააკავეს.

OVD-Info-ს ინფორმაციით, სასულიერო პირის წინააღმდეგ ოქმი აქციის მოწყობის მუხლი იყო შედგენილი, რომელიც შეთანხმებული არ იყო. როგორც გამოცემა Meduza წერს, პანაშვიდი საბოლოოდ სხვა მღვდელმა ჩაატარა.