მთავარი ისაა, რომ ყველა ნორმის დაცვით და სასამართლოს განჩინების საფუძველზეა ჩხრეკა ჩატარებული, - ამის შესახებ საპარლამენტო უმრავლესობის წევრმა ირაკლი ზარქუამ ჟურნალისტებს სოსო გოგაშვილის დაკავების ფაქტზე საუბრისას განუცხადა.

„სუს-მა უკვე გააკეთა განცხადება, რომ ეს არის მიმდინარე, საგამოძიებო თემასთანაა დაკავშირებული. მთავარი ისაა, რომ ყველა ნორმის დაცვით და სასამართლოს განჩინების საფუძველზეა ჩხრეკა ჩატარებული და თუ არ ვცდები, დაკავებაც. მერე ვნახავთ, რასთან გვქონდა საქმე. იქ, სადაც არის პოტენციური დანაშაული ჩადენილი, სასამართლოც ყოველგვარი მიკერძოების გარეშე მოქმედებს და შესაბამისი უწყებებიც", - განაცხადა ზარქუამ.

სუს-ის უფროსის ყოფილი მოადგილე სოსო გოგაშვილი 16 ივლისს დააკავეს. მის საცხოვრებელ სახლში ჩხრეკა მოსამართლის განჩინების საფუძველზე ჩატარდა - საქმე ეხება არა ახალ, არამედ მიმდინარე სისხლის სამართლის გამოძიებას.