სპეციალური პენიტენციური სამსახური კატეგორიულად უარყოფს „გურიის მოამბის“ მიერ გავრცელებულ ინფორმაციას, თითქოს ლაითურის №1 პენიტენციურ დაწესებულებაში პატიმარი ა. მ. დაწესებულების თანამშრომელმა გააუპატიურა.

„რუსთავი 2“-ის კითხვაზე, უწყებაში განმარტეს, რომ პატიმარი ინიციალებით ა. მ. დაწესებულებაში საერთოდ არ ფიქსირდება, შესაბამისად გავრცელებული ინფორმაცია სიმართლეს არ შეესაბამება, რაც პენიტენციური სამსახურის განცხადებით კიდევ ერთხელ მოწმობს, რომ უწყებაზე მიზანმიმართული შეტევა ხორციელდება.