პირველად ისტორიაში საქართველოს ნაკრები ევროპის ჩემპიონატზე ითამაშებს. ქართველებმა ევრო 2024-ის საკვალიფიკაციო ეტაპის ფინალურ შეხვედრაში საბერძნეთის ეროვნულ ნაკრებს სძლიეს.
ჩვენში მომხდარი დიდ დღესასწაულად იქცა. სოციალურ ქსელში ვირუსულად გავრცელდა კადრები, რომელშიც ჩანს ქართველების მწვრთნელის ვილი სანიოლის გვერდით მყოფი მამაკაცი პენალტების სერიის დროს როგორ ლოცულობს. როგორ ირკვევა, ის მთავარი მწვრთნელის ტუნისელი თანაშემწე ადელ ჩედლია.
„გუშინდელი დღიდან ბევრი კადრი დაგვრჩება მეხსიერებაში კიდევ დიდხანს. ეს ერთ-ერთია: სანიოლის თანაშემწე, ტუნისელი ადელ ჩედლი, პენალტების დროს ლოცულობს საქართველოს გამარჯვებისთვის", - წერს სოციალურ ქსელში პოლიტიკოსი ზურაბ გირჩი ჯაფარიძე.
რა არის ცნობილი ადელ ჩედლიზე?
ადელ ჩედლი 1976 წლის 16 სექტემბერს დაიბადა, ტუნისელ ფეხბურთელს ჰქონდა წარმატებული კარიერა, თამაშობდა ცენტრალური ნახევარმცველის პოზიციაზე. 2021 წლიდან მუშაობს საქარათველოს ნაკრებთან.
მისი დებიუტი ზრდასრულთა მაისურში შედგა 1994 წელს, თამაშობდა საფრანგეთის, კერძოდ, „სენტ-ეტიენის" რიგებში, სადაც გაატარა სამი სეზონი, მონაწილეობა მიიღო ჩემპიონატის 33 მატჩში.
მისმა თამაშმა ამ გუნდში მიიპყრო კლუბ „სოშოს" სამწვრთნელო შტაბის ყურადღება, შედეგად ამ გუნდს 1997 წელს შეუერთდა. ამ გუნდის მაისურით ითამაშა შვიდი სეზონი. იყო გუნდის მთავარი მოთამაშე.
შემდგომში, 2004 წლიდან 2012 წლამდე თამაშობდა შემდეგ გუნდებში: „ისტრში", „ნიურნბერგში", „სიონში", „ალ-შააბსა" და ეტუილ დუ საჰელში.
ის კლუბ „რაჯას" 2012 წელს შეუერთდა. კასაბლანკას კლუბში ერთი სეზონის შემდეგ დაასრულა პროფესიული კარიერა.
რაც შეეხება სანაკრებო კარიერას, ტუნისის ნაკრებში მისი დებიუტი 2003 წელს შედგა. მან ქვეყნის მთავარი ნაკრების ფორმაში 56 მატჩი ჩაატარა და 3 გოლი გაიტანა.
2004 წელს, ეროვნული ნაკრების შემადგენლობაში ითამაშა „აფრიკის ერთა თასზე", სადაც გუნდმა მოიგო ოქროს მედლები.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე