მეხანძრე-მაშველებმა, დედოფლისწყაროს რაიონში, ტყის მიმდებარედ პატრულირების დროს, ახალგაზრდა მამაკაცი შეამჩნიეს, რომლებიც მიზანმიმართულად აჩენდა ცეცხლის კერებს.

მეხანძრეებმა ადგილზე საპატრულო პოლიციის თანამშრომლები გამოიძახეს და აღნიშნული პირი, ადმინისტრაციულ სამართალდარღვევათა კოდექსის შესაბამისი მუხლის თანახმად - 500 ლარით დაჯარიმდა.

"შინაგან საქმეთა სამინისტროს საგანგებო სიტუაციების მართვის სამსახურის სახანძრო-სამაშველო ჯგუფის თანამშრომლებმა, დედოფლისწყაროს რაიონში, ტყის მიმდებარედ, პატრულირების დროს, დააფიქსირეს ხანძრის კერა.

ტერიტორიის დათვალიერებისას, სახანძრო-სამაშველო ჯგუფის წევრებმა,  ახალგაზრდა მამაკაცი შენიშნეს, რომელიც მიზანმიმართულად ახდენდა ცეცხლის წაკიდებას.

ადგილზე გამოძახებულ იქნა შინაგან საქმეთა სამინისტროს კახეთის პოლიციის დეპარტამენტის, ასევე, ადგილობრივი მუნიციპალიტეტისა და გარემოს დაცვის სამინისტროს შესაბამისი სამსახურების თანამშრომლები. აღნიშნული პირი ადმინისტრაციულ სამართალდარღვევათა კოდექსის შესაბამისი მუხლის თანახმად - 500 ლარით დაჯარიმდა.

მოვუწოდებთ მოსახლეობას, გამოიჩინონ მაღალი სამოქალაქო პასუხისმგებლობა და დაემორჩილონ კანონს. წინააღმდეგ შემთხვევაში, მათ მიმართ გატარდება კანონით გათვალისწინებული შესაბამისი ზომები", - აღნიშნულია განცხადებაში.