მე მქონია კონსულტაციები ბიძინა ივანიშვილთან, რადგან ისეთი რთული პერიოდები გამოვიარეთ, რომ აუცილებელი იყო კონსულტაციების გამართვა სტრატეგიულ საკითხებზე, - ამის შესახებ პრემიერ-მინისტრმა ირაკლი ღარიბაშვილმა განაცხადა.

„ბიძინა ივანიშვილის როლი ფასდაუდებელი იყო ბოლო სამი წლის განმავლობაში. მე პირადად არ დამიმალავს და დასამალი არაფერია, რომ მე მქონია კონსულტაციებიც, რადგან ისეთი რთული პერიოდები გამოვიარეთ, ისეთი რთული კრიზისები გამოიარა გუნდმა მთლიანად, რომ რა თქმა უნდა, აუცილებელი იყო კონსულტაციების გამართვა სტრატეგიულ საკითხებზე, რაც უკავშირდებოდა ქვეყნის ბედს, ქვეყნის გადარჩენას და ზოგადად, სწორად ნავიგაციას ამ ტურბულენტურ სიტუაციაში",-აღნიშნა ღარიბაშვილმა.