უძრავი ქონების აგენტების თაღლითობამ თბილისში 160-ზე მეტი ოჯახი დააზარალა. თაღლითური დაჯგუფება 5 ადამიანისგან შედგებოდა. სქემა კი ასეთი იყო: ბინის დაგირავების მსურველები ნოტარიუსთან მიჰყავდათ და სესხის ხელშეკრულებას აფორმებდნენ, თითოეული ადამიანისგან 10 000 -15 000 დოლარამდე იღებდნენ, შემდეგ კი წინასწარ ნაქირავებ ბინაში შეჰყავდათ. დაზარალებულებმა სიმართლე მას შემდეგ გაიგეს, რაც მათ მიერ ნაგირავებ ბინაში რეალური მეპატრონე მივიდა და მათგან ქირის გადახდა მოითხოვა.
თათია ხვადაგიანი უძრავი ქონების აგენტების თაღლითური სქემის ერთ-ერთი დაზარალებულია.
მისი თქმით, თაღლითები ბინას ჯერ ქირაობდნენ და შემდეგ აგირავებდნენ, მეტი დამაჯერებლობისვის კი დამგირავებლები ნოტარიუსთან მიჰყავდათ, სადაც გირავნობის ნაცვლად სესხის ხელშეკრულებას აფორმებდნენ. დღეს თათია ქმართან და ორ შვილთან ერთად იმავე ბინაში ცხოვრობს, ოღონდ ამჯერად ბინის რეალურ მეპატრონეს თვეში 900 ლარს უხდის, პარალელურად იხდის ბინის დაგირავებისთვის აღებულ სესხსაც.
თაღლითური დაჯგუფების ერთ-ერთი ლიდერი ანი სოფრომაძეა, რომელიც რამდენიმე დღის წინ 8 წლით თავისუფლების აღკვეთა მიესაჯა. მასთან ერთად დაკავებულებია არიან ჯგუფის სხვა წევრებიც.
იმავე ისტორიას ყვება საქმის მეორე დაზარალებული მაია ფიჩხაია. 2022 წლის 7 ივნისს სოფო ბარკალაიასგან ბინა 10 000 დოლარად იგირავა. სახლის მფლობელთან კომუნიკაციის შემდეგ კი უძრავი ქონების აგენტს უჩივლა, საპასუხაროდ კი მუქარა მიიღო. დღეს მაია თავშეფასრის გარეშე ღია ცის ქვეშ დარჩა.
ისტორია, რომელზეც ვსაუბრობთ ორო ოჯახის ტრაგედიას ასახავს, თუმცა დაზარალებულთა რიცხვი გაცილებით დიდია. მითვისებულია 2 მილიონ ლარზე მეტი.
თაღლითი უძრავი ქონების აგენტების სქემა დღეს უკვე გაშიფრული და საქმის მთავარი ფიგურანატები გისოსებს მიღმა 7 და 8 წელს გაატარებ, თუმცა დაზარალებული ოჯახების კუთვნილი თანხები ამ დრომდე არსად ჩანს.
ambebi.ge
ფოტოკოლაჟზე: 5-კაციანი ჯგუფის ერთ-ერთი ლიდერი ანი სოფრომაძე და დაზარალებულები: თათია ხვადაგიანი და მაია ფიჩხაია
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე
