ლიბიის ქალაქ დერნაში წყალდიდობის შედეგად დაღუპულთა რიცხვმა 5 300 ადამიანს მიაღწია. ამის შესახებ ინფორმაციას BBC ადგილობრივ ოფიციალურ წარმომადგენლებზე დაყრდნობით ავრცელებს.
"ზღვას მუდმივად ათობით ცხედარი გამოაქვს", - განაცხადა ლიბიის აღმოსავლეთის ადმინისტრაციის მინისტრმა ჰიშამ ჩკიუატმა.
გაეროს მიგრაციის საერთაშორისო ორგანიზაციის ინფორმაციით, დაკარგულად მინიმუმ 10 000 ადამიანი ირიცხება, ხოლო 30 000 იძულებით გადაადგილებულად ითვლება.
"უბრალოდ ადამიანები გვჭირდება, რომელთაც სიტუაცია ესმით - ლოგისტიკური დახმარება, ძაღლები, რომლებსაც ადამიანების ყნოსვა და მიწისქვეშ მათი პოვნა შეუძლიათ. უბრალოდ ჰუმანიტარული დახმარება გვჭირდება, ადამიანები, რომლებმაც იციან რას აკეთებენ", - აცხადებს ერთ-ერთი ექიმის, რომელსაც BBC-ი ციტირებს.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე