ლომჯარიასთვის იმ ადამიანის სახელობის ჯილდოს მინიჭება აბსოლუტურად ლოგიკურია. ის იმავე კორპორაციას წარმოადგენს, რომელიც სოხუმსაც და ცხინვალსაც საქართველოს ბალასტად აღიქვამს, - წერს სოციალურ ქსელში „ხალხის ძალის" წევრი დავით ქართველიშვილი.

ანალიტიკოსი ყურადღებას ამახვილებს იმაზე, თუ რა საერთო აქვს ერთმანეთთან ანდრეი სახაროვს, ფადი ასლისა და ნინო ლომჯარიას.

„ლომჯარიასთვის იმ ადამიანის სახელობის ჯილდოს მინიჭება აბსოლუტურად ლოგიკურია. ის იმავე კორპორაციას წარმოადგენს, რომელიც სოხუმსაც და ცხინვალსაც საქართველოს ბალასტად აღიქვამს და დარწმუნებული ვარ, მათ მოცილებაზე „ფადი-ასლი-აურ" აზრს იზიარებს, რამეთუ იმავე აზრს იზიარებდა ანდრეი სახაროვიც, რომელმაც 1989 წლის ჟურნალ „ოგონიოკისთვის" მიცემულ თავის ინტერვიუში („თავისუფლების ხარისხი") პირდაპირ ბრძანა: „მხოლოდ ამგვარად შეიძლება ნაციონალური პრობლემების მოგვარება ისეთ „მცირე იმპერიებში", რომელსაც მაგალითად საქართველო წარმოადგენს, რომელმაც თავის შემადგენლობაში აფხაზეთი, ოსეთი და სხვა (!) ნაციონალური შენაერთები შეიყვანა".

თუ რას ნიშნავს სახაროვისეული „მხოლოდ ამგვარად" - სწორედ ფადი ასლიმ განგვიმარტა, ხოლო აფხაზებმა თავის დროზე იმდენად ზუსტად გაიგეს, რას გულისხმობდა ლომჯარიას გურუ, რომ ანდრეი სახაროვის სახელს უკვე 32 წელიწადია სოხუმის ერთ-ერთი ცენტრალური გამზირი ატარებს, ალბათ, რომელიმე ქართველი მწერლის ან გმირის მაგივრად. ასე რომ, დღეს სოხუმის რომელიმე ჩიხებს სავსებით ლოგიკურად შეიძლება ფადი ასლის და ნინო ლომჯარიას სახელებიც დაარქვან - ისინი ამას ნამდვილად იმსახურებენ", - წერს დავით ქართველიშვილი.