ტექნიკა ტექნიკაზე შემოვიდა, გზა დაკეტილია იმისთვის, რომ სულ მიდის და მოდის ტექნიკა, დღე და ღამე მუშაობს. ვერტმფრენზე ლაპარაკობენ, ვერტმფრენი ღამე რას გააკეთებდა? დღე, როცა საჭირო იყო მოვიდა და ყველაფერი გააკეთეს, - ამის შესახებ „ქრონიკას" შოვში ადგილობრივი დათო გავაშელი ესაუბრა.

„რაც შეუძლიათ ძალას და ღონეს არ იშურებენ, მიცვალებულს ვერავინ გააცოცხლებს. მთავარია ნახონ, ეს არის მთავარი პრობლემა, მთავარია ნახონ", - ამბობს ადგილობრივი.

საქართველოს პრემიერ-მინისტრის გადაწყვეტილებით, 3 აგვისტოს, ონის მუნიციპალიტეტში, კურორტ შოვში მომხდარი სტიქიური უბედურების შედეგად დაღუპულთა ხსოვნის პატივსაცემად 7 აგვისტო გლოვის დღედ გამოცხადდა.

ბოლო მონაცემებით, 3 აგვისტოს სტიქიის შედეგად 18 გარდაცვლილია, მათგან 14-ის ცხედარი იდენტიფიცირებულია, მაშველები 16 დაკარგულს უწყვეტ რეჟიმში ეძებენ.