სამეგრელოში, წალენჯიხის მუნიციპალიტეტის სოფელ მიქავაში საცხოვრებელ სახლს მეხი დაეცა. ინფორმაციას წალენჯიხის მერის მოადგილე, თამარ ბელქანია ავრცელებს.

ცნობილია, რომ შემთხვევს შედეგად არავინ დაშავებულა. დაზიანდა საცხოვრებელი სახლი. ოჯახის ერთ-ერთი წევრი კი შემთხვევის გამო შეუძლოდ გახდა და ადგილზე სასწრაფო სამედიცინო დახმარების გამოძახება გახდა საჭირო.

შემთხვევის ადგილას მობილიზებული არიან საგანგებო სიტუაციების მართვის სამსახურის წარმომადგენლები.