საპარლამენტო უმრავლესობის წევრმა რატი იონათამიშვილმა იურიდიულ კომიტეტზე, სადაც „აგენტების ამერიკული კანონის" განხილვა მიმდინარეობს, იმ ადამიანებს მიმართა, ვინც მისი თქმით, ქვეყანას და „ქართული ოცნების" ამომრჩეველს უპირისპირდება.

„პირველ რიგში მკაფიოდ მინდა განვაცხადო, რომ „ქართულ ოცნებას" ჰყავს მილიონზე მეტი ამომრჩეველი. ჩვენ ამომრჩეველს დაცული აქვს ამ ქვეყნის თავისუფლება, ნაბრძოლი აქვს ამ ქვეყნის თავისუფლებისთვის, მათ შორის იმ ადამიანების ღირსებისთვისაც, ვინც ახლა უპირისპირდება ჩვენს ქვეყანას. ცოტა დაუკვირდნენ და დაუფიქრდნენ როდესაც „ქართული ოცნების" მხარდამჭერებზე საუბრის უფლებას მისცემენ ზოგიერთები საკუთარ თავს", - აღნიშნა რატი იონათამიშვილმა.