2022 წლის დეკემბერში საქართველოში რუსეთის 131 546 მოქალაქე შემოვიდა, რაც გასული წლის ამავე პერიოდის მონაცემზე 306%-ით მეტია. ამის შესახებ სტატისტიკას შსს-ს ავრცელებს.

2022 წლის მარტიდან დეკემბრის ჩათვლით, კი საქართველოს საზღვარი რუსეთის 1 405 552 მოქალაქემ გადმოკვეთა.

რუსეთის მოქალაქეების შემოდინება საქართველოში ძირითადად გასული წლის თებერვლიდან დაიწყო, რაც რუსეთის შეჭრამ უკრაინაში გამოიწვია.

რაც შეეხება საქართველოს სახელმწიფო საზღვრის კვეთის სტატისტიკას სასაზღვრო - გამტარი პუნქტების მიხედვით, დეკემბერში საზღვრის კვეთა, სულ 1 669 005 - ჯერ განხორციელდა. აღნიშნული რაოდენობიდან, 71% უცხოელი, ხოლო 29% საქართველოს მოქალაქეები იყვნენ.