საქართველოს საპატრიარქო განცხადებას ავრცელებს, მათ მიერ გავრცელებული ინფორმაციით, 73 წლის ასაკში გარდაიცვალა მონაზონი, რომელიც მოლდოვიდან იყო ჩამოსული და წლების განმავლობაში საქართველოს საპატრიარქოში ცხოვრობდა.

"გარდაიცვალა საპატრიარქოში მცხოვრები მონაზონი. ამა წლის 9 ნოემბერს, ოთხშაბათს, 73 წლის ასაკში ღვთივგანისვენა სქემოსანმა მონაზონმა ათანასიამ (სტეფანიდა კოლპაკმა). იგი მოლდოვადან, უფრო ზუსტად, გაგაუზეთიდან, ჩამოვიდა ჯერ კიდევ მაშინ, როდესაც სრულიად საქართველოს კათოლიკოს-პატრიარქი ილია II ცხუმ-აფხაზეთის მიტროპოლიტი იყო და აღარც განშორებია მას. ღმერთმა შეიწიროს ათეული წლების მანძილზე მის მიერ გაწეული შრომა და სავანე მართალთა დაუმკვიდროს. სქემმონაზონ ათანასიას დაკრძალვა შედგება პარასკევს, 14:00 საათზე, მარტყოფის დედათა მონასტერში; გამოსვენება კი მოხდება საქართველოს საპატრიარქოდან 13:00 საათზე", - წერია ინფორმაციაში.