ამგვარი რეზოლუციები უნდა იყოს სუბიექტურობისგან მთლიანად დაცლილი, თუ უნდათ კოლეგა ევროპარლამენტარებს, რომ რეზოლუციები საქმეზე იყოს ორიენტირებული, არ იყოს ვიწროპარტიული ინტერესებით გაჯერებული და არ იყოს ცალმხრივი, - ამის შესახებ საპარლამენტო უმრავლესობის წევრმა გია ცაგარეიშვილმა განაცხადა.

„ადამიანების საქართველოში, რომლებიც პოლიტიკით არიან დაკავებული ოპოზიციურ ფლანგზე, დღემუდამ იმას ცდილობენ შეცდომაში შეიყვანონ ჩვენი კოლეგები. თითიდან გამოწოვილი ბრალდებები იმასთან დაკავშირებით, რომ თურმე მიხეილ სააკაშვილი არის პოლიტიკური პატიმარი და ძებნილი და კრიმინალი კეზერაშვილი მედია მენეჯერი", - განაცხადა ცაგარეიშვილმა.

საქართველოს მიერ ევროკავშირის ასოცირების შეთანხმების შესრულების წლიურ ანგარიშს ბრიუსელში, საგარეო კომიტეტი დღეს განიხილავს.

ანგარიშის თავდაპირველ ვერსიაში, რომელიც სვენ მიქსერის ავტორობით მომზადდა, "ნაციონალური მოძრაობის" ლობისტების მიერ გუშინ გარკვეული შესწორებები გაჩნდა.