ბულგარეთის პარლამენტმა უკრაინისთვის სამხედრო და ტექნიკური დახმარების მიწოდების შესახებ რეზოლუციას მხარი დაუჭირა. ინფორმაციას ამის შესახებ ბულგარული გამოცემა BGNES-ი ავრცელებს.

გამოცემამ აღნიშნა, რომ "დემოკრატიული ბულგარეთისა" და "გერბი-დძკ-ის" პარტიების მიერ ინიციირებულ რეზოლუციას მხარი 175-მა პარლამენტარმა დაუჭირა, 49 წინააღმდეგ წავიდა, ხოლო ერთმა თავი შეიკავა.

მიღებული რეზოლუციის თანახმად, ბულგარეთის მთავრობამ უკრაინისადმი იარაღის მიწოდების შესახებ გეგმის მონახაზი 30 დღის განმავლობაში უნდა წარადგინოს.