ანტიკორუფციული ბიუროს ხელმძღვანელი უნდა დაამტკიცოს პარლამენტმა ისეთი კვორუმით, რომ მმართველმა გუნდმა ოპოზიციის ხმების გარეშე მისი დამტკიცება ვერ შეძლოს, - ამის შესახებ პარტია „ნაციონალური მოძრაობის" წევრმა რომან გოცირიძემ განაცხადა.

„მმართველი გუნდის წარდგენილ დოკუმენტში, ანტიკორუფციული ბიუროს ხელმძღვანელს ნიშნავს პრემიერი და მისი დანიშნულები ვის და როგორ ემორჩილებიან ძალიან კარგად ვიცით. თავისუფლების ხარისხი იქნება ნული. ჩვენს შემთხვევაში ვთვლით, რომ უნდა დაამტკიცოს პარლამენტმა ისეთი მაღალი კვორუმით, რომ მმართველმა გუნდმა ვერ შეძლოს ოპოზიციის ხმების გარეშე მისი დამტკიცება", - აღნიშნა გოცირიძემ.