“კანონი და სამართლიანობის” ლიდერი, თაკო ჩარკვიანი სოციალურ ქსელში ნიკა გვარამიას სასამართლოს ეხმაურება.

"ეს რა არის?! რას სჩადიხართ, არ გაპატიებთ ხალხი, არ გეპატიებათ! გასამართლდებით სასტიკად ამ სირცხვილის - სამარცხვინო სასამართლოს გამო, ნუ იკიდებთ ტვირთს! არ შეიძლება ამის გაკეთება, არ შეიძლება! ნიკა გვარამია, მაგრად იყავი“, - წერს ჩარკვიანი.

შეგახსენებთ, „მთავარი არხის“ დირექტორი ნიკა გვარამია დააპატიმრეს. 16 მაისს თბილისის საქალაქო სასამართლომ გვარამიას 3 წლითა და 6 თვით თავისუფლების აღკვეთა მიუსაჯა.

სააპელაციო სასამართლოში ნიკა გვარამიას საქმეზე მხარეებმა დასკვნითი სიტყვა თქვეს. უახლოეს დღეებში ცნობილი გახდება, რა გადაწყვეტილებას გამოიტანს მოსამართლე.