24 წლის ალექსანდრე მარტიაშვილი, რომელიც უკრაინაში ოკუპანტებთან ბრძოლას შეეწირა, ერთ-ერთი ყველაზე პატარა მებრძოლი იყო ქართულ ბატალიონში.
როგორც უკრაინაში მყოფი მებრძოლები ჰყვებიან, მარტიაშვილი, ბატალიონის წევრებთან ერთად, ხერსონთან ერთ-ერთი დასახლებული პუნქტის გასათავისუფლებლად შედიოდა, რა დროსაც ჭურვი აფეთქდა და დაიღუპა.
„შედიოდნენ ერთ-ერთი დასახლებული პუნქტის გასათავისუფლებლად და ამ დროს ჭურვით დაიღუპა. მე მარტიაშვილს პირადად არ ვიცნობდი, მაგრამ ის ერთ-ერთი ყველაზე ახალგაზრდა იყო აქ, ღიმილის ბიჭს ეძახდნენ. 22 დაღუპული ქართველი მებრძოლლი ჩვენთვის უკვე ძალიან ბევრია, მინდა, რომ აქ გაჩერდეს.. აღარ მინდა, რომ დავითვალო, დავიღალე ამ თვლით. ყველამ უნდა გააცნობიეროს, რომ აქ ეს ბიჭები აფხაეზეთისა და სამაჩაბლოსთვის იბრძვიან" - უყვება "მთავარ არხს" უკრაინაში მებრძოლი ერთ-ერთი ქართველი.
ცნობისთვის, უკრაინაში გუშინ ორი ქართველი მებრძოლი დაიღუპა - ალექსანდრე მარტიაშვილი და მიხეილ ყაფლანიშვილი. უკრაინაში ომის დაწყების შემდეგ 22 ქართველი მებრძოლია დაღუპული.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე