ხელვაჩაურის მუნიციპალიტეტის სოფელ ერგეში მამაკაცი დენის დარტყმის შედეგად გარდაიცვალა. როგორც სასწრაფო სამედიცინო დახმარების ცენტრის ექიმმა განაცხადა, მამაკაცი ადგილზე გარდაცვლილი დახვდათ.
ადგილზე შინაგან საქმეთა სამინისტროს თანამშრომლები მივიდნენ, ფაქტზე გამოძიება მიმდინარეობს.
გარდაცვლილი მამაკაცი 34 წლის აკაკი ბოლქვაძეა.
მომხდართან დაკავშირებით კომენტარს აკეთებენ „ენერგო პრო ჯორჯიაშიც". მათი ინფორმაციით, უბედური შემთხვევა იმ დროს მოხდა, როცა მამაკაცები ხეს ჭრიდნენ ხეს, რა დროსაც მოჭრილი ხე მაღალი ძაბვის სადენს შეეხო.
„პირველ რიგში ვუსამძიმრებთ ოჯახს. წინასწარი ინფორმაციით ჭრიდნენ ხეს, რა დროსაც მოჭრილი ხე შეეხო მაღალი ძაბვის სადენს, სავარაუდოდ ეს გახდა უბედური შემთხვევის მიზეზი. მომხდარზე მიმდინარეობს გამოძიება, შესაბამისად დამატებით სხვას ვერაფერს გეტყვით", - განაცხადეს კომპანია „ენერგო პრო ჯორჯიაში".
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე