გარემოს ეროვნული სააგენტოს ინფორმაციით, თვის ბოლომდე საქართველოში ცხელი და უმეტესად უნალექო ამინდი შენარჩუნდება. ჰაერის ტემპერატურა დასავლეთ საქართველოში +37-40 გარდუსი იქნება, სანაპირო რაიონებში +32-37. განსაკუთრებით მაღალი ტემპერატურა იქნება ქუთაისში და მის ირგვლივ ტერიტორიაზე, სადაც ხუთშაბათს +39 გრადუსია მოსალოდნელი, ხოლო პარასკევ - +40.

მაღალი სიცხეა აღმოსავლეთ საქართველოშიც - +32-36 გრადუსის ფარგლებში.

ჰაერის მაღალ ტემპერატურასთან ერთად, კოლხეთის დაბლობზე, ზემო იმერეთში, შავი ზღვის სანაპირო რაიონებში, გორი-სურამის მონაკვეთზე და მთიანი რეგიონების ზოგიერთ რაიონში ძლიერი ცხელი ქარიცაა მოსალოდნელი, რაც, სააგენტოს ცნობით, ტყის ხანძრების გაჩენის რისკს კიდევ უფრო გაზრდის.