რეზონანსი
(21.08.2022)
„ტავ ჯორჯიას" ინფორმაციით, თბილისის საერთაშორისო აეროპორტში ახალი ავიაკომპანია იფრენს. მათივე ცნობით, ახალმა ავიაკომპანიამ Southwind Airlines-მა თბილისიდან ანტალიის მიმართულებით დღეს პირველი ჩარტერული რეისი შეასრულა.
როგორც კომპანიაში აცხადებენ, Southwind Airlines-ი ჩარტერულ რეისებს ანტალიის მიმართულებით კვირაში ერთი სიხშირით, ყოველ კვირას, 25 სექტემბრამდე, Airbus 321 ტიპის საჰაერო ხომალდით შეასრულებს.
დღეისთვის, ანტალიის მიმართულებით რეგულარულ რეისებს ავიკომპანია Pegasus-ი კვირაში ხუთი სიხშირით ასრულებს, ხოლო სექტემბერში - კვირაში ექვს რეისს შეასრულებს.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე