საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძის თქმით, სამღვდელოება შეზღუდულია ოკუპირებულ ტერიტორიაზე რაიმე მსახურება შეასრულოს.

„როდესაც ქვეყნის 20% ოკუპირებულია, როდესაც რუსეთი, ერთი მხრივ, გვეუბნება, რომ ჩვენი იურისდიქცია მათ მიერ ოკუპირებამდე არსებულ ტერიტორიაზეა აღიარებული და მიუხედავად ამისა, ჩვენ შეზღუდულები ვართ იქ რაიმე მსახურება შევასრულოთ, სასულიერო პირები ჩადიოდნენ და პირიქით, ვხედავთ, რომ შეუფერებელი განცხადებები არის – მილოცვები არჩევნებში გამარჯვებული დე ფაქტო ლიდერების მიმართ, იქ სასულიერო პირები ჩადიან, მსახურებას აღასრულებენ, როგორ შეიძლება ამ ფონზე გვქონდეს განწყობა, რომ რუსეთთან ყოფნა ჯობია?“, – აცხადებს მამა ანდრია ჯაღმაიძე.