ცოტნე გამსახურდიას ყოფილი მეუღლე, სოფია ჩიკვილაძე სოციალურ ქსელში სკანდალურ მიმართვას ავრცელებს
"17 წლის ვიყავი, როდესაც პირველად ჩემზე ფიზიკურად იძალადა ცოტნე გამსახურდიამ.
36 წლის ვარ და დღემდე ნათლად მახსოვს…
სარკეს ვერ ვიტან, იმიტომ რომ პირველი რაც მახსენდება იმ დღიდან… დამწვარი, კოლხური კოშკის აბაზანაში საკუთარი თავის ჩაკეტვა და სარკეში ჩემი დასახიჩრებული, დასისხლიანებული სახის დანახვაა…
შემდეგ მახსოვს კარის შემომტვრევა და მისი ხვეწნა-მუდარა, რომ ეს იყო შეცდომა, მსგავი არაფერი არასდროს დამართვნია და აღარ განმეორდებოდა, ტირილი და იარაღის საფეთქელზე მიბჯენა… თუ მე დავტოვებდი სახლს, თავს მოიკლავდა…
შემდეგ, შემდეგ იყო ჩემი 10-დღიანი კოშკში გამოკეტვა… მობილურის წართმევა და ლოდინი თუ როდის გადამივლიდა მის მიერ მოყენებული დაზიანებები (დღეში ერთხელ მქონდა დარეკვის უფლება დედაჩემთან, მისი ზედამხედველობის ქვეშ და უნდა მეთქვა, რომ მე დაქალთან ვრჩებოდი).
დრო რომ გაიწელა და მიხვდა დედაჩემს ვეღარ მოატყუებდა, მაჩუქა სკეიდბორდი ლურჯი ფერის და დამარიგა თუ ჩემს დალურჯებულ თვალზე მკითხავდნენ, მეპასუხა სკეიდბორდით “კატაობას” ვსწავლობდი და ბარდიულს ჩამოვარტყი სახე… კატეგორიულად გამაფრთხილა, რომ არ მივსულიყავი პოლიციაში (ან სად მივიდოდი სევასტოპოლზე პოლიციაში?) და აქვე უნდა დამემახსოვრებია, რომ მაყუჩიანი იარაღიც ჰქონდა, რომ რამე...
მერე რა იყო? ახლობლის ზარი ჩემთან რომ მან სუიციდი სცადა, კომაში იყო და მე- საავადმყოფოში სიკვდილს ებრძოდა (დღემდე აქვს შრამი მკერდთან, საკმაოდ დიდი, დანით მიყენებული, მეორე შრამი მარჯვენა ფეხთან ნატყვიარი, ეს კიდევ სხვა ისტორია)
გავაგრძელო თუ ესეც საკმარისია?
პ.ს. ან მე ან ჩემს რომელიმე შვილს თუ ახლო ნათესავს თმის ღერიც თუ შეერხევა უმიზეზოდ იცოდეთ, რომ ყველგან სადაც საჭიროა გაფრთხილებულები არიან და იციან ვის უნდა მოსთხოვონ პასუხი.
გინდათ ღია ომი, კი ბატონო. აქ ვარ!
პ.ს.ს. არანაირ ძალადაობას არ აქვს გამართლება, იყო გამსახურდია ალიბი არ არის! პირიქით, მეტი პასუხისმგებლობაა, საზოგადოების წინაშე.
და არავინ მკითხოს ახლა რატომ?
2010 წელს გავაჟღერე მე ეს ინფორმაცია, შედარებით მსუბუქ ფორმაში და იმის მაგივრად ვინმე გვერდით დამდგომოდა, ყველამ ვისაც არ დაეზარა, მე გადამიარა.
ახლა კი მავანი გადაცემა "სიმართლის დრო"-ით მაშინებს, სასაცილოა… სატირალი რომ არ იყოს”.
ცოტნე გამსახურდიასა და სოფია ჩიკვილაძეს შორის დაპირიპირება წლების წინ დაიწყო. ცოტნეს დაპატიმრების შემდეგ, სოფია გადაცემა ”სიმართლის დროს” სტუმრობდა, რის შემდეგაც წყვილს შორის ურთიერთობა უფრო აირია.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე
