რეზონანსი
(18.11.2022)

სოციალური ქსელის მომხმარებელი ფეისბუკ გვერდზე თავს გადახდენილი ისტორიის შესახებ წერს და აღნიშნავს, რომ დღეს 18 ნოემბერს ვაჟა-ფშაველას გამზირზე ქვეითს მანქანა დაეჯახა.

როგორც პოსტიდან ვიგებთ, „რესპუბლიკური საავადმყოფოს" ექიმებმა დაშავებულს პირველადი დახმარება გაუწიეს.

„ვინმემ არ თქვას ქართველ ექიმებზე აუგი! სასწაული ამბის მომსწრე გავხდი...ზედ ვაჟაზე დაეჯახა ქვეითს მანქანა ძალიან ცუდად დაეჯახა იმედი მაქვს გადარჩება ღმერთო უშველე...

წამში მთელი რესპუბლიკური საავადმყოფოს ექიმები თავის ჟანგბადის ბალონებით stretcher-ით და ა.შ ვაჟას მოპირდაპირე მხარეს აღმოჩნდნენ. როგორ უკეთებდნენ გულის მასაჟს მონაცვლეობით რომ გენახათ.... გააჩერეს მოძრაობა, გადაკვეთეს stretcher-ით გამზირი. ერთი ჟანგბადის ბალონს მიარბენინებდა, მეორე ზედ იყო ასული და გულის მასაჟს უკეთებდა.

იმედის მომცემი სანახაობა იყო, ღმერთო შენი ხელიც გაურიე და გადაარჩინე ახალგაზრდა კაცი.

ჩემი დიდი პატივისცემა რესპუბლიკური საავადმყოფოს მედპერსონალს", - ვკითხულობთ პოსტში.

სტატიების ნახვა შეგიძლიათ ამ ბმულზე

ახალი ამბების ნახვა შეგიძლიათ ამ ბმულზე