იუმორისტი ნიკა ქავთარაძე ტრაგიკულად დაღუპული მომღერლის მამუკა ონაშვილის შესახებ სოციალურ ქსელში მიმართვას აქვეყნებს. მისი აზრით, დღეს მის დაკრძალვაზე ის ადამიანები იფარისევლებენ ყველაზე მეტად, რომლებმაც განსაცდელში მიატოვეს.
„ძალიან მიყვარდა ეს ბავშვივით კეთილი და მხიარული ადამიანი.
ძალიან მეწყინა და მეტკინა.
გუშინ პანაშვიდზე ვიყავი.
და ერთ რაღაცაზე დავფიქრდი.
ძალიან უჭირდა ბოლო პერიოდში.
არაა ეს ქვეყანა არტისტებისთვის. თორემ ყველაფერი ჰქონდა მამუკას, კარგად ცხოვრებისთვის – ნიჭი, ხმა, ქარიზმა.
მაგრამ ეს ხო საქართველოა.
ჰოდა, მივლენ ახლა გასვენებაში ისინი, ვინც გაჭირვებაში მიატოვა, დახმარების ხელი არ გაუწოდა, მხარში არ ამოუდგა.
მივლენ და აღვარღვარებენ ღაპაღუპით ნიანგის ცრემლებს.
ფარისევლობა არც ჩვენი საზოგადოებისთვისაა უცხო და არ სიონის ტაძრისთვის, მაგრამ მაინც ტეხავს, თან ძალიან.
ღმერთმა გაანათლოს ჩვენი ყველას მამუკა ონაშვილის სული!” - დაწერა ნიკა ქავთარაძემ.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე
