25 აგვისტოს დილით, სომხეთის ანტიკორუფციულმა კომიტეტმა რობერტ კოჩარიანი და მისი შვილი, სედრაკი დაააკავა. ისინი ანტიკორუფციულ კომიტეტში გადაიყვანეს. ამას მისი ოფისის ხელმძღვანელი, ბაგრატ მიკოიანიც ადასტურებს.

სულ დააკავეს დანაშაულებრივ სქემებში ჩართული ექვსი პირი.

ანტიკორუფციულ კომიტეტში აცხადებენ, რომ მიღებულია ინფორმაცია, რომ სომხეთის რესპუბლიკის ყოფილმა პრეზიდენტმა, თანამოაზრეებთან შეთანხმებით, სამსახურებრივი მდგომარეობის ბოროტად გამოყენებით, სახელმწიფო საკუთრებაში არსებული  სოციალურ-ეკონომიკური მნიშვნელობის არაერთი ძვირფასი ქონება  საბაზრო ფასებზე მნიშვნელოვნად დაბალ ფასებში შეიძინა.