ამერიკაში, ვისკონსინის შტატს ძლიერმა ტორნადომ გადაუარა. განადგურებულია და დაზიანებულია საცხოვრებელი და კომერციული შენობები, მოგლეჯილია ასწლოვანი ხეები და ელექტრო გადამცემი ხაზები.

სტიქიის შედეგად, ვისკონსინისა და მეზობელი ილინოისის შტატებში ელექტროენერგიის გარეშე 400 ათასზე მეტი აბონენტი დარჩა.

დაზარალებულ რაიონებში საგანგებო და სამაშველო სამსახურები მუშაობენ. ამასთან, მეტეოროლოგების პროგნოზით, უამინდობა რამდენიმე საათში ოჰაიოსა და კენტუკის შტატებს მიაღწევს.