ავტოსაგზაო შემთხვევა მოხდა თელავში, რუსთაველის ქუჩაზე. ერთმანეთს ჯიპი და მოპედი შეეჯახა.

შეჯახების შედეგად დაშავდა მოპედის მძღოლი, რომელიც სასწრაფო- სამედიცინო დახმარების ეკიპაჟმა სხეულზე მიღებული სხვადასხვა სახის დაზიანებებით, კლინიკაში გადაიყვანა.

შემთხვევის ადგილზე სამართალდამცველები იყვნენ მობილიზებული.

ავარიის გამომწვევ მიზეზებს პოლიცია სწავლობს.

მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.