ქუთაისში, იოსელიანის ქუჩაზე მშენებარე საცხოვრებელი კორპუსის ხარაჩო ჩამოიშალა და რამდენიმე მუშა მოიყოლა - ინფორმაციას ადგილობრივი მედია - „ინფო იმერეთი“ ავრცელებს. 

ადგილზე მობილიზებულია სასწრაფო სამედიცინო დახმარების ჯგუფები, საპატრულო და კრიმინალური პოლიცია.

სამართალდამცველებს მიმდებარე ტერიტორია ყვითელი ლენტით აქვთ შემოსაზღვრული. ჯერჯერობით უცნობია ხარაჩოს ქვეშ მოყოლილი პირების მდგომარეობა.