აშშ-ის ერთ-ერთი წამყვანი ბანკის - Goldman Sachs-ის წამყვანი იურისტი, თეთრი სახლის ყოფილი მრჩეველი კეტრინ რუმლერი, ჯეფრი ეპშტეინთან კავშირის გამო, დაკავებული თანამდებობიდან გადადგა. ინფორმაციას Politico ავრცელებს. რუმლერის გადადგომა Goldman Sachs-ის გენერალურმა დირექტორმა დევიდ სოლომონმა დაადასტურა, თუმცა ეპშტეინთან კავშირი არ უხსენებია.

აშშ-ის იუსტიციის დეპარტამენტის მიერ ეპშტეინის ფაილების გამოქვეყნების შემდეგ დადგინდა, რომ რუმლერს ელექტრონული ფოსტის მეშვეობით ეპშტეინთან მიმოწერა ჰქონდა. ისინი აშშ-ის პრეზიდენტს, დონალდ ტრამპს განიხილავდნენ. 

როგორც გამოცემა აღნიშნავს, რუმლერი ბანკში 2021 წლიდან მუშაობდა, ხოლო მანამდე, პრეზიდენტ ბარაკ ობამას დროს, თეთრი სახლის მრჩევლის თანამდებობა ეკავა.