ტაილანდში, სამგზავრო მატარებელს სამშენებლო ამწე დაეცა, რის შედეგადაც, სულ მცირე 28 ადამიანი დაიღუპა - ინფორმაციას BBC ავრცელებს.

ოფიციალური მონაცემებით, მატარებელი, რომელშიც სულ მცირე 195 ადამიანი იმყოფებოდა, ბანგკოკიდან ტაილანდის ჩრდილო-აღმოსავლეთ პროვინციაში მიემართებოდა.

მედიის ცნობით, კატასტროფის შედეგად სულ მცირე 80 ადამიანი დაშავდა, მათ შორის 1 წლის ბავშვია. ტაილანდის სახელმწიფო რკინიგზის გუბერნატორს ავარიის მიზეზის გამოძიება დაევალა.

მედიის ცნობით, სასიკვდილო სამშენებლო შემთხვევები ტაილანდში ხშირია, ნაწილობრივ სტანდარტებისა და რეგულაციების არასათანადო აღსრულების გამო.