შეერთებულმა შტატებმა სირიაში დაჯგუფება „ისლამურ სახელმწიფოზე“ საჰაერო იერიში მიიტანა. ინფორმაციას აშშ-ის შეიარაღებული ძალების ცენტრალური სარდლობა ავრცელებს.

ვაშინგტონის განცხადებით, ოპერაცია პასუხი იყო „ისლამური სახელმწიფოს“ თავდასხმაზე, რის შედეგადაც ორი ამერიკელი სამხედრო და თარჯიმანი დაიღუპა. ცენტრალური სარდლობის ცნობით, დარტყმები 70-ზე მეტ სამიზნეზე განხორციელდა. ოპერაციაში იორდანიის ავიაგამანადგურებლებიც მონაწილეობდნენ.

ოპერაციას წარმატებული უწოდა შეერთებული შტატების პრეზიდენტმა დონალდ ტრამპმა.