ევროკავშირის ტერიტორიაზე არაწევრი ქვეყნების მოქალაქეების შესვლისა და გასვლის ახალი სისტემის (EES) ეტაპობრივი დანერგვა დაიწყო. ახალი რეგულაცია ელექტრონულ რეგისტრაციას ითვალისწინებს, რაც მიზნად უსაფრთხოების გაუმჯობესებას და დანაშაულთან ბრძოლის გააქტიურებას ისახავს.

სისტემა პასპორტში შტამპების ჩარტყმის ბიომეტრიული მონაცემებით ჩანაცვლებას გულისხმობს, მაგალითად, თითის ანაბეჭდის, სახის გამოსახულებისა და სხვა სამოგზაურო ინფორმაციის ციფრულ ფორმატში შენახვით.

ახალი სისტემა სრულად 2026 წლის 10 აპრილს ამოქმედდება.