ახმეტის მუნიციპალიტეტის სოფელ ზემო ხოდაშენში 70 წლამდე კაცი დაჭრეს. ადგილობრივების ინფორმაციით, მას საცხოვრებელ სახლში ესროლეს. კაცს ჭრილობა მუცლის არეში აქვს მიყენებული.

როგორც "მთავარი ამბები კახეთიდან" იუწყება, დაჭრილი სასწრაფო-სამედიცინო დახმარების ბრიგადამ თელავში, „ყამბარაშვილის“ კლინიკაში გადაიყვანა. მას ქირურგიული ოპერაცია უტარდება.

კონფლიქტის მიზეზი უცნობია. შემთხვევის ადგილზე პოლიციაა მობილიზებული.