შავი ზღვის წყალქვეშა კაბელის პროექტის კვლევა გრძელდება. პროცესი რამდენიმე ეტაპისგან შედგება და სავარაუდოდ, 2-3 წელიწადში დასრულდება. მთლიანად პროექტს კი შესაძლოა, 6-7 წელიწადი დასჭირდეს. მასშტაბური პროექტის მიმართ ევროპის ინტერესი კვლავ შეუცვლელია, შესაბამისად, ეჭვქვეშ არ დგას სარგებელი, რომელსაც საქართველო წყალქვეშა კაბელის პროექტის განხორციელებით მიიღებს. როგორც სპეციალისტები აღნიშნავენ,  ელექტროგადამცემი ხაზით ჩვენი ქვეყანა პირველად დაუკავშირდება ევროპას, გააჩენს იმის შესაძლებლობას, რომ საქართველოს ელექტროსისტემა  ევროპულ ენერგოსისტემასთან ჩაერთოს.