რუსთავში, მეგობრობის გამზირზე მომხდარი ავტოსაგზაო შემთხვევის დროს დაშავებული გოგონას ჯანმრთელობის მდგომარეობა გაუმჯობესდა. გოგონა კვლავ რჩება აპარატზე და მისი მდგომარეობა დინამიკაში სტაბილურია.

გოგონას ჯანმრთელობის გაუმჯობესების შესახებ ინფორმაცია არასრულწლოვანის დედამ სოციალურ ქსელში გაავრცელა:

„მეორედ დაბადების თუ გჯერათ?

კი, ჩვენ მეორედ დავიბადეთ! 

მადლობა სამყაროს შენთვის, შენი სიცოცხლისთვის და ჩვენი ძველებურად სუნთქვისათვის.

ანამარიააა, საოცარი ხარ დედიკო“ - დაწერა სალომე ინაიშვილმა.