სს "ლიბერთი ბანკი" სატელევიზიო ეთერით გასული სიუჟეტის გამო, განცხადებას ავრცელებს:

"ერთ-ერთი ტელეკომპანიის, კერძოდ, "ტვ პირველის" მიერ, "ლიბერთი ბანკთან" დაკავშირებით გავრცელდა არასწორი და ყალბი ინფორმაცია, რომელიც მიზანმიმართულად აზიანებს ბანკისა და მისი აქციონერების იმიჯს.

კიდევ ერთხელ მკაფიოდ ვაცხადებთ, რომ "ლიბერთი ბანკი", არ ემსახურება და არანაირ ტრანზაქციებს არ აკეთებს არც ერთ დასანქცირებულ პირთან.

ასევე, არც "ლიბერთი ბანკი" და არც მისი აქციონერი,  მნიშვნელოვანი წილის მფლობელი ირაკლი რუხაძე, არასოდეს ფლობდა “ვითიბი ბანკის“ წილს/აქციებს.

ყალბი და რეპუტაციისთვის დამაზიანებელი ინფორმაციის გავრცელების კამპანიის გაგრძელების შეთხვევაში, "ლიბერთი ბანკი" უფლებას იტოვებს მიმართოს სასამართლოს და იმოქმედოს საქართველოს კანომდებლობის შესაბამისად", - აღნიშნულია განცხადებაში.