სარფში ავარიის შედეგად ოთხი ადამიანი დაშავდა. ინფორმაციას მომხდართან დაკავშირებით ადგილობრივი გამოცემა "ბათუმელები" ავრცელებს.

გამოცემა წერს, რომ ავტოსაგზაო შემთხვევა სარფის მაგისტრალზე მოხდა - შედეგად ერთი მსუბუქი ავტომანქანა ამოტრიალდა.

როგორც გამოცემა სასწრაფო სამედიცინო სამსახურის პრესცენტრზე დაყრდნობით წერს, დაშავებულები საავადმყოფოებში გადაანაწილეს.

ადგილზე სამართალდამცავები მუშაობენ. სხვა დეტალები ამ დროისთვის უცნობია.