საგანგებო სიტუაციების მართვის სამსახურის სტატისტიკის თანახმად, 2023 წლის II კვარტალში ქვეყნის მასშტაბით ჯამში 28 682 სამაშველო მოქმედება განხორციელდა.

ამავე ინფორმაციით, აღნიშნულ პერიოდში სამსახურის მხრიდან რეაგირებული ინციდენტების რაოდენობა 37 493-ს შეადგენს. მეხანძრე-მაშველებმა 2 837 სპეციალური დავალება შეასრულეს.

წლის II კვარტალში ქვეყანაში ხანძრებისა და წაკიდებების 5 974 ფაქტი დაფიქსირდა.

ყველაზე მეტი სამაშველო ღონისძიება თბილისში, იმერეთსა და აჭარაში ჩატარდა.