ავტოსაგზაო შემთხვევა მოხდა ქვემო ქართლში.  ბოლნისი-დმანისის დამაკავშირებელ გზაზე ერთმანეთს ორი სატვირთო მანქანა შეეჯახა. 

სააგენტო 24News.ge-ს ცნობით, შემთხვევის შედეგად 3 ადამიანი დაშავდა, მათგან ერთის მდგომარეობა საშუალო სიმძიმისაა.

შემთხვევის ადგილზე მობილიზებული იყო სასწრაფო სამედიცინო დახმარების, სამაშველო სამსახურისა და პოლიციის ჯგუფები. მომხდართან დაკავშირებით დაწყებულია გამოძიება.