ლისაბონიდან თბილისამდე უსაფრთხოების ზონა უნდა შეიქმნას, მსოფლიოში მიმდინარე პროცესებიდან გამომდინარე ეს აღარ არის მხოლოდ პოლიტიკური ტრიბუნა, ეს ეხება მსოფლიო უსაფრთხოების თემას და არა მხოლოდ რეგიონს, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

მისი თქმით, მობილიზაციაა საჭირო იმ ძალის წინააღმდეგ, რომელიც აგრესიას ახორციელებს.

„არავინ იცის, როგორ დასრულდება არსებული სიტუაცია. მით უმეტეს, ბელარუსში მიდის განლაგება ბირთვული შეიარაღების. მსოფლიო იმ დონემდე მივიდა, როცა საჭიროა მობილიზება, თანადგომა, სოლიდარობა და ამას ვითხოვთ ჩვენ ევროპელი პარტნიორებისგან, რომელთაც ეს კარგად ესმით", - განაცხადა ვოლსკიმ.