„ნაპოლის" სპორტულმა დირექტორმა, კრიშტიანო ჯუნტოლიმ Amazon Prime-სა და Sky Sport Italia-სთან ვრცელ ინტერვიუში ხვიჩა კვარაცხელიაზე ისაუბრა.

„ნაპოლიმ" ჩემპიონთა ლიგის მერვედფინალში „აინტრახტი" ორი მატჩის ჯამში 5:0 (2:0, 3:0) დაამარცხა და ისტორიაში პირველად ტურნირის მეოთხედფინალში ითამაშებს. ჯუნტოლი ამბობს, რომ კვარაცხელიამ მოლოდინს გადააჭარბა.

„კვარაცხელიას კლასი დიდი ხნის წინ შევნიშნეთ. მას მთელი სამი წელი ვაკვირდებოდით - ჯერ კიდევ იმ დროიდან, როდესაც ბავშვი იყო. ჩვენ ვიმედოვნებდით, რომ არცერთი სხვა კლუბი არ იქნებოდა მზად, მისი ტრანსფერი გამოესყიდა იმ ფასად, რასაც თავიდან (ყაზანის „რუბინი") ითხოვდა.