„ტვ პირველის“ ეთერში„ვანოს შოუს“ გადასვლას სოციალურ ქსელში ტელეწამყვანი ნანუკა ჟორჟოლიანი ეხმიანება. ჟორჟოლიანი, „მთავარი არხის“ განვითარებაში ჯავახიშვილის გუნდის განსაკუთრებულ წვლილს უსვამს ხაზს:
„მაშინ კი ჯოჯოხეთი მეგონა თუთუნის საწყობში გაკეთებული სტუდია, სადაც ვანო და მე შეგვიშვეს, მაგრამ ბეტონის კედლებში შექმნილმა გადაცემებმა შექმნეს ამ არხის ისტორია ჩვენს, სხვა კოლეგებთან ერთად.
საწყობის კედელზე დაწერილი "ვანოს შოუ" უკვე ამ არხის ისტორიაა და ამას ვერაფერი წაშლის. ვერავინ და ვერაფერი. თუ ვანო წაიშლება, წავიშლებით ყველა იმიტომ რომ ეს არხი შექმნეს ადამიანებმა და არა ძვირადღირებულმა ტექნიკამ და სტუდიებმა სადაც ზამთარში ციოდა, ზაფხულში ცხელოდა, მაგრამ ეს სულაც არ გვიქმნიდა ბარიერებს.
მიხარია რომ ვანოს შოუ სატელევიზიო სივრცეში იქნება. სხვანაირად არც შეიძლებოდა“, - დაწერა ნანუკა ჟორჯოლიანმა.
ცოტა ხნის წინ ვანო ჯავახიშვილმა "მთავარი არხის" განცხადებას გამოეხმაურა და აღნიშნა, რომ ტელეკომპანიის მიერ მასთან დაკავშირებით გავრცელებული ინფორმაცია სიართლეს არ შეესაბამება.
"გავეცანი ‘’მთავარი არხის’’ განცხადებას ჩვენი გუნდის წასვლასთან დაკავშირებით. მინდა გითხრათ, რომ ეს ინფორმაცია არ შეესაბამება სიმართლეს. ჩემი პრინციპებიდან გამომდინარე ვფიქრობდი, რომ არ იქნებოდა კარგი შიდა ამბების გარეთ გამომზეურება, უბრალოდ ახლა ვთვლით, რომ ეს არის ჩვენი გუნდის მიზანმიმართული დაზიანების მცდელობა. სიმართლე ის არის, რომ ფინანსური კრიზისის გამო არხზე ჩვენი გადაცემები მართლა დაიხურა ("ვანოს შოუ", "ახალი შაბათის შოუ" , "მთავარი ბიჭები", ‘’მთავარი გოგოები’’) და არხზე დარჩა ისეთი გადაცემები, რომლებსაც სპონსორები ჰყავდათ. სამი თვის განმავლობაში ვიმუშავეთ, აბსოლუტურად, უხელფასოდ და ერთი წამითაც არ გაგვიჩერებია ეთერი. ჩემი გუნდის თანამშრომლები ჩაცვივდნენ მძიმე ფინანსურ მდგომარეობაში, დავალიანება დღემდე დავალიანებად დარჩა, იმის მიუხედავად, რომ არხზე დარჩენილი თანამშრომლები ჩვეულებრივად იღებენ ანაზღაურებას.
რაც შეეხება "მთავარი არხის" შემოთავაზებას, არხმა შემოგვთავაზა შემდეგი: მხოლოდ დარჩენს ‘’ვანოს შოუ’’, ხოლო დანარჩენი გადაცემები დაიხუროს. ეს ნიშნავდა იმას, რომ გუნდის 70% სახლში უნდა გაგვეშვა, ის ადამიანები, რომლებიც მთელი ჩვენი არსებობის განმავლობაში გვერდში გვედგნენ და ბოლომდე მოგვყვებოდნენ. ეს ის თანამშრომლები არიან, რომლებიც არც ერთი წამით არ იხევდნენ უკან, როცა არხს გასაჭირი ქონდა. რა თქმა უნდა, ჩვენმა გუნდმა ერთიანობა ამჯობინა და ამიტომ დავთანხმდით ისეთ შემოთავაზებას, რომელიც საშუალებას მოგვცემდა გუნდი მაქსიმალურად შეგვენარჩუნებინა. ‘’მთავარი არხის’’ მხრიდან ამ ტიპის განცხადება და ჩვენთვის ზიანის მოყენების მცდელობა, არის პირდაპირ გეტყვით სრული უნამუსობა და ბოროტება. მივმართავ ზემოთხსენებული განცხადების ავტორს: უკადრებელს ნუ კადრულობ ‘’მეგობარო’’ ერთგულებაზე კრიტიკას ვერ მივიღებთ, რადგან ვთვლით, რომ ერთგულება უნდა იყოს ორმხრივი და არა ცალმხრივი", - დაწერა ვანო ჯავახიშვილმა.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე