2026 წლის 21 ოქტომბერს ლეგენდარული ფეხბურთელი, საქართველოს ნაკრების ყოფილი კაპიტანი, 18-წლამდელთა ნაკრების მთავარი მწვრთნელი გიორგი ნემსაძე 54 წლის ასაკში გარდაიცვალა.

მას ოჯახის წევრი, თეონა ალხაზაშვილი ემშვიდობება და სოციალურ ქსელში სიძეზე ემოციურ პოსტს აქვეყნებს:

„გია, მადლობა ბავშვობა რომ გამილამაზეთ შენ და რუსომ. ჩემი სიამაყის მიზეზი რომ იყავით და მთელი შეგნებული ცხოვრება დაცულობის შეგრძნება მაჩუქეთ.

ცხოვრების რთულ თუ ბედნიერ მომენტებში მოვიხედავდი თუ არა, იქ რომ იდექით. ყველაფერს რომ გვინაწილებდით. დედაჩემს რომ საკუთარი დედასავით სცემდი პატივს და გულში იკრავდი, გია.

ჩემს ძმას რომ ფარად ედექით, როცა გაუჭირდა. ჩემი პატარა ოჯახი თქვენს დიდ ოჯახს რომ შეუერთეთ.

ვერ ეყოფა ეს სივრცე ყველაფრის ჩამოთვლას. ვერც სიტყვებით გადმოიცემა, რასაც ვგრძნობთ...

უბრალოდ, მადლობა სიყვარულისთვის...

მიყვარხარ გულში და მომენატრები ძალიან“, - წერს თეონა ალხაზაშვილი.

ცნობისთვის, გიორგი ნემსაძეს შაბათს, 24 ოქტომბერს დაკრძალავენ.