ასე ვითარდებოდა სინგაპური, ასე ვითარდებოდა დუბაი. სადღაც ყოველთვის ვიღაც პირველი პიონერია და როდესაც ის შედის ბაზარზე, ის ყველა სხვა ინვესტორს ეუბნება, რომ - ეს არის ბაზარი, სადაც თქვენ უნდა იყოთ, - განაცხადა „ქრონიკასთან“ Invia-ს დამფუძნებელმა და აღმასრულებელმა დირექტორმა ლევან ფხაკაძემ Trump Tower Tbilisi-ს პროექტზე საუბრისას.

„ბევრი ინვესტორისთვის ეს არის პირდაპირ მანიშნებელი, რომ საქართველოში განახორციელონ ინვესტიცია“, - დასძინა მან.

ორი მილიარდის ინვესტიცია ქართულ ეკონომიკაში - დედაქალაქში უძრავი ქონებისა და ურბანული განვითარების სექტორში უპრეცედენტო მასშტაბის საინვესტიციო პროექტის, Trump Tower Tbilisi-ის მშენებლობა იწყება.