თბილისის საქალაქო სასამართლო დღეს, ბიზნესმენ თამაზ ელიზბარაშვილის მიმართ აღკვეთის ღონისძიების შეფარდებაზე იმსჯელებს. პროკურატურა პატიმრობას ითხოვს, თუმცა დაცვის მხარე აღნიშნულს არ ეთანხმება.

როგორც ადვოკატმა ლექსო სვიმონიშვილმა ჟურნალისტებს განუცხადა, ის ფიქრობს, რომ მისი დაცვის ქვეშ მყოფი, თამაზ ელიზბარაშვილი საერთოდ აღკვეთის ღონისძიების გარეშე უნდა დარჩეს, თუმცა სასამართლოს ალტერნატივის სახით გირაოს შესთავაზებს.

ლექსო სვიმონიშვილი აცხადებს, რომ თამაზ ელიზბარაშვილის წინააღმდეგ ოფიციალურად გამოძიების დაწყების საფუძველი, სამართალდამცავი უწყებისთვის ოპერატიული მიმართვა გახდა. ადვოკატის განმარტებით, თამაზ ელიზბარაშვილი არ აღიარებს წარდგენილ ბრალს, რაც სიცოცხლის მოსპობისა და ჯანმრთელობის დაზიანების მუქარას გულისხმობს.