რეზონანსი
(23.07.2021)


თბილისში, ყირიმ-კონგოს ცხელებით 49 წლის ქალი გარდაიცვალა.

როგორც ინფექციურ საავადმყოფოში განაცხადეს, ის 2 დღის წინ, უმძიმეს მდგომარეობაში ახალციხის კლინიკიდან შეიყვანეს.

როგორც საავადმყოფოში აცხადებენ, პაციენტს ყველა შესაბამისი მკურნალობა რეანიმაციულ განყოფილებაში უტარდებოდა, თუმცა, დაავადების სიმძიმიდან გამომდინარე, მისი გადარჩენა ვერ მოხერხდა.

არსებული ინფორმაციით, ქალმა ადგილობრივ კლინიკას დაგვიანებით მიმართა.

ცნობისთვის, ყირიმ-კონგოს ჰემორაგიული ცხელება ცხოველისა და ადამიანის ვირუსული დაავადებაა, რომლის ძირითადი გადამტანი ტკიპაა (Hyalomma).

წყარო: „ინტერპრესნიუსი"

სტატიების ნახვა შეგიძლიათ ამ ბმულზე

ახალი ამბების ნახვა შეგიძლიათ ამ ბმულზე